لما تبقى صارف على ابنك دم قلبك: مصاريف المدرسة والكتب ودروس خصوصية ومصاريف الجامعة ومصاريف كتب الجامعة ومصاريف الورق اللى بيلخص كتب الجامعة ... يعنى من الاخر لو حسبت كام جنيه صرفته فى ابنك حتفكر انك ما تجوزش اصلاً وتيجى واحدة ما كملتش اعدادية اى معاها شهادة ابتدائى تقولك ابنك حيشتغل فرد امن ف مول تجارى وبياخد بالكتير اوى 300 جنيه يبقى لازم تقولها بقوة...
لما تكون طالب فى كلية حقوق... الكلية اللى خرجت عظماء حكموا البلد ديه ولسه مسيطرين عليها... و نفسك تعمل حاجة لبلدك وتسمع الوزيرة تقولك انك اخرك فرد امن ف مول يبقى لازم تقولها بصوت عالى...
لما تقرا الخبر ده ومتعرفش تكون عايز تضحك ولا تعيط... عايز تشتم ولا تدعى عليها وعلى اللى زيها سارقين بلدنا... وتعرف نهايتك فترمى ورق الكورسات ومتذاكرش لأنك اخرك فرد امن... طلعت نزلت... جبت امتيازجبتA بلس وانت مستريح فانت اخرك فرد امن... يبقى لازم تقولها بصوت اسكندرانى معروف...
لما تبقى اب نفسه يفرح ببنته... وتبصلها وانت عارف انها حتجوز فرد امن ف مول تجارى... او يمكن تبقى سعيدة الحظ ويجلها عريس رئيس امن مول تجارى حلو كده... يبقى لازم ترفع ايديك لربنا...
وبما ان ديه البداية... وبما ان الحكومة ناوية تركز على مستقبل اولادنا وحتنزلهم مادة "امن مولات" ف كليات الحقوق والتجارة والاداب... وحتدى لكل خريج استمارة كير سيرفيس علشان ينزل يشتغل على طول...
وبما ان الوزيرة اللى معاها ابتدائى شايفة ان كل الناس المتخرجين من كليات نظرية دول يبقوا افراد امن.. وملهمش مكان فى الوظائف الحكومية والقطاع العام.. فديه بشرة خير لطلبة المجمع العلمى فانت حتبقى خريج هندسة وحتشتغل موظف فى السجل المدنى... او ممكن فرد امن برضه بس ف مصلحة حكومية حيطانها مصفرة والورق مرمى ف الارض وريحة المكان زى ريحة الحمام اللى ف القهوة اللى صحابك بتوع حقوق واداب بيقعدوا عليها بالظبط...
لا تعليق غير ان ده قلة ادب وبعدين تاعبين نفسكو ليه واحده معاش غير الاعداديه عاوزينها تفكر زاى ده احنا بقينا ازبل من البلاد الناميه
ردحذفيوما سنقرا يابلادى اننا كنا خراف ويجف هذا النفط فوق جلودنا ونودع السبع الثمان ونلتقى الفا عجاف
ردحذفولا حول ولا قوة الا بالله
عمل السيرة الذاتية هو فن لا يتقنه الكثيرين لذا من خلال موقعنا قد جمعنا ابرز تجارب الاشخاص السابقين والذين لديهم خبرة بكل ما يتعلق بالسيرة الذاتية وكيفية عملها بسهولة تامة دون تعقيد.
ردحذف